http://www.islamway.com/?iw_s=Lesson&iw_a=view&lesson_id=106414&autoplay=video

(سحلب فتلة)

في خضم الزمن الذي نعيش فيه ظهر بيننا كثير من الألفاظ الدخيلة والتي أطلق عليها البعض وقاموس الروشنة وجمعها في كتاب(مثل روش طحن  وهكذا.........)ولكني خلال عملي وقراءتي اطلعت وعرفت بعض هذه الألفاظ وممن تكلم في هذا الموضوع الكاتب الممتع د/أحمد خالد توفيق في مقالة من كتاباته وهو يصف نفسه وهو يجلس على مقهى تقريبا(أكيد مينفعش يقعد هناك بس هيه ربنا يهدي) وبجواره مجموعة من الشباب وهم يتحدثون ومن كلماته (ليس بالنص) وأحدهم يقول للآخر يابن ..... دا انا هطلع...... أهله فيرد عليه الآخر مصدرا صوتا سكندريا حلقيا(تعبير جميل)  هو مفيش غير ابن ......انتهى كلامه.

وقد قابلت بعض هذه الألفاظ وليست كلها دخيلة علينا ولكنها غير منتشرة بيننا
ومنها ماهو جميل ومنها ماهو قبيح ومنها(مش هنقول القبيح طبعا)
كيفني شكرا.......دي بدل كلمني شكرا
هي لله مش لحد تاني ......لما تكون في كرب
يابن التيت......... عشان ميشتمش بالأب والأم(كلمة مش كويسة وميصحش ملتزم فضلا عن مسلم يقولها)
تتعب نفسك ليه لما فيه توكتوك بجنيه .......  لما تكون مكسل
سحلب فتلة ... لما تعزم واحد عزومة مراكبية وتقوله تشرب شاي يقولك لا تقوله طب سحلب فتلة!!!
بيس يامان .. كلمة شلل جدا 
طبيخ غامق .....  ملوخية
ويكا ....... بامية بدون دمعة تقريبا
والكلمات في هذا كثيرا لذا فالموضوع مفتوح للجميع ان أردت أن تضع ألفاظك فضعها بشرط ماكان فيه خطأ فنبه عليه..

15 دقيقه في الشهر العقاري

السلام عليكم ورحمة الله وبركاته ذهبت اليوم للشهر العقاري بمدبنة المنصوره ومكثت فيه لمدة 15 دقيقه .اول مرة ذهبت فيها للشهر العقاري لعمل توكيل مؤخرا صدمت ب "البطاقه منتهيه" وللأمانه محدش قالي "ياسيد" المهم مدير المكتب متفاهم وقالي تجيب الرخصة وشهادة الميلاد وفعلا جبت الرخصة وشهادة الميلادبعدها بكام يوم(وعلى فكره الشهاده بقت ب 10 ج) وذهبت الى الموظفه وكتبت اي كلمتين  وقالتلي روح مكتب 6 والحمد لله مكتب 6 في الحجره المجاوره مش في اسوان المهم رحت مكتب 6 وموظفه تانيه ايضا تكتب بعض الأشياء بوعديي المفاجاه انتظر في الخارج 5 دقائق طبعا كان في شخص بيعمل ورق هناك بس كان مستشار فأكيد الساعي اتبعت روح هات النموذج الفلاني ومفيش استنى بره دا المستشار قاعد عالمكتب المهم ليس هذا الموضوع ذهبت للادفع قبل الأنتظار بالخارج والخزينه في الشقة المجاوره وتروح للشباك وتقولك الموظفة طبعا من الشباك التاني ومفيش ياسيد برده المهم اخذوا مني 46 ج.م مش عايز اقول(حرونار)ودفعتهم ولم اكن مخرجا لساني كالبلهاء بل من قبيل معرفة السبب سالت بكل براءه ليه 46 ج فاجبت عشان التوكيل لمحامي ومحاسب قانوني وكل واحد فيهم توكيله ب 30 ج(يعني عملوا اوفر)واكيد طبعا مكنش متعلق على باب الشهر العقاري ان فيه سيل(خصم يعني) والا لقيت الشعب كله عالشباك.بينما اجلس منتظرا سماع اسمي لأطير فرحا بالتوكيل وقول زي ارشميدس وجدتها!!!! (بس هي مش تايهه)سمعت صوتا يصك اذنك الصغيره وبينما ترفع عيناك لتنظر من اين ياتي الصوت(ممكن واحد بيتاوب جنبك اوبيتخانق مع موظف كالعاده)اذا بالصوت ياتي من شبشب مواطن مصري (والشبشب طبعا بصابع) داخل الشهر العقاري واعتقد انه كان لسه صاحي من النوم(المفروض يصلي الأول ويشرب كوب شاي رجالي)وطبعا كان داخل الشهر العقاري واعتقد انهم هيفوقوه جوه.ومما يحزنك ان الموظف لابد من ان يرى وجه صاحب التوكيل وكانت هناك سيدة منتقبة فنهرها الموظف بشده ومرها بخلع النقاب طبعا شيء محزن. وبعد انتظر قليل سمعت اسمي ولكنه لم يكن يهز ارجاء الشهر العقاري(اكيد عشان مفيش سماعات)ولكنه هز اوتار قدمي فتحركت(لأن القلب مفهوش اوتار) ومضيت اني استلمت التوكيل وظبعا كنت ماضي بالشقلوب!!! مفيش وقت يقلبوا الدفتر او جايز دا النظام.دي كانت تجربتي واوصيك انك عندما تذهب لمصلة حكومية خذ معك كل الأوراق(وصورها 100 نسخه)احتياطي وخد معك تحليل صورة دم لتقوم بعمل تحليل بعد الخروج هل زاد ضغطك ام لا؟؟؟؟؟؟؟؟؟؟؟؟؟؟!!!

خبرات في الحياة

السلام عليكم ورحمة الله وبركاته هذه هي اول صفحات مدونتي الجديده وانا ارجو ان تكون هذه الصفحات لكتابة خبرات حياتيه من مواقف ومذكرات وهكذا لتعم الفائده فانا أعتقد ان هذه الخبرات نوفر الكثير علينا جميعا وتكسبنا فائده كبيره الرجاء كثرة التردد والمشاركه ليس بالتعليق فقط ولكن باخبارنا ماهي تجربتك وكيف تعاملت معها وهل تصرفت تصرفا صحيحا وهل كنت تامل ان تتصرف بطريقة افضل من ذلك نريدها موسوعة حياة 
والمفاجاه انني سانشر على حلقات ولأول مره على الأنترنت والشبكه العنكبوتيه(متسالش ايه الفرق!!!!!!!)
مذكرات مهندس اتصالات في محلة البرج !!!! ومذكرات مهندس اتصالات (برده) في المستشفى الرجاء التواصل أشوفكم أمس.